Den di un sala yen di famia y amigonan, atletanan nacional a wordo reconoci durante e anochi mas importante den deporte, e anochi di Premio Excelencia den Deporte.

“Deporte ta yudabo den tur aspecto di bida. E ta yuda bo den formacion di un miho persona den comunidad”, Minister Dangui Oduber a bisa durante un entrevista. E mandatario ta convenci cu pa medio di deporte y e estimulo di esaki, lo crea un miho Aruba. Pa por a yega na e ganadonan absoluto di Premio Excelencia den Deporte 2018 no tabata un tarea facil. Despues di a pasa den un cantidad grandi di nominado, comision a yega na un lista di atleta cu a destaca durante aña 2018.

Atleta di aña 2018
Femenino: Thashaina Seraus (Bowling)
Masculino: Mikel Schreuders (Landamento)

Atleta di aña 2018 te cu 13 aña
Femenino: Liv Farro (Landamento)
Masculino: Gavin Kock (Landamento)

Atleta di aña 2018 te cu 18 aña
Femenino: Elisabeth Timmer (Landamento)
Masculino: Giannon Eights (Triathlon)

Atleta di aña 2018 Paralympics
Elliott Loonstra & Yurwin Gomes

Atleta di aña 2018 Special Olympics
Johnny Perez

Deportista di aña 2018 Scol Basico
Femenino: Dixienne Saavedra
Masculino: Vince Ramada

Deportista di aña 2018 Scol Avansa
Femenino: Mary-Ann Pieterz
Masculino: Joshwa Jansen

Scol Basico di aña 2018
Scol Basico Washington

Scol Avansa di aña 2018
Commandant Generaal & Abraham De Veer School

Reconocemento
Durante e anochi espectacular aki di gala y premiacion pa deportistanan, a duna tambe reconocemento na personanan cu a dedica hopi aña na deporte, como tambe na personanan cu tabata tin logronan excepcional durante 2018. E personanan cu a keda reconoci ta lo siguiente.

 Pa prome medaya di oro den Weganan di Reino:
– Cedric Bronswinkel
– Francisco “Chico” Faro
– Francisco “Fico” Vrolijk
– Ricardo “Kadochi” Kock
– Benjamin Roy Angela
– Hyacintho “Sonny” Tromp

Pa landa di Venezuela pa Aruba:
– Davy Bisslik
– Stephan Thijsen
– Romar Arendsz
– Gwendolin Kock-Croes
– Deaxo Croes

Pa core 500KM rond di Aruba pa un bon causa:
– Shariska Winterdaal

Team Baseball
Team Aruba 1 pa e logro di a bira campeon di Serie Latino Americano y del Caribe.