Aña 2019 ta marca e di 60 aniversario cu Colegio San Antonio a wordo funda. E aña aki lo ta un aña yen di actividad pa celebra e aniversario di diamante di Colegio San Antonio.

Pa ranca sali cu e celebracion durante 2019, a laga traha un logo oficial. E logo a wordo diseña pa Valentino Angela kende tawata un alumno di Colegio San Antonio y tawata e mihor graduado na aña 2014.

Reina CSA
Prepara e stem pa apoya e reinanan di Colegio San Antonio. Annaïs Thiel lo ta e reina hubenil di Colegio San Antonio y Juffrouw Hernandez lo ta e Señora Carnaval. Di e forma aki, Colegio San Antonio tambe ta aporta na e cultura carnavalesco di Aruba.

Carnival School Project
Colegio San Antonio ta conocí como e scol cu ta acepta tur alumno ‘manera nan ta’ y ta encurasha su studiante nan pa ta nan mes. Como cu aña 2019 ta e aña di celebracion, Colegio San Antonio ta organiza un Carnival School Project. Pa haya sa mas informacion over e projecto aki, scan e QR-code cu bo telefon.