Na scol mi ta e presidente di nos Leerlingenraad, mi ta den 4e klas na Filomena College mavo na San Nicolas, mi profiel ta MW y mi entusiasmo pa gradua den 2019, ta grandi. Mi nomber ta Servayne van der Gen y danki na AoS mi tin e oportunidad pa intervista y presenta e compañeronan di klas, Nathan Fradl y Kievon Henriquez cu aparte di ta great compañero di klas, ta great deportista y ta un orguyo pa nos scol.

Nathan Fradl
Nathan Fradl ta un hoben di 15 aña cu e ultimo tres aña a percura pa e comberti su mes den un bon alumno di klas y un bon ehempel pa hubentud di Aruba. Nathan ta practica e deporte di Taekwondo riba nivel internacional. E ultimo dos aña el a dedica su mes na e deporte di Taekwondo y na augustus e tawata  den e torneo International ‘Costa Rica open’ y a gana e medaya di oro. Durante e evento ‘Tag Team Curaçao’ el a logra gana medaya di oro pa Aruba. Nathan su meta ta pa yega Weganan Olimpico y tin e sosten di su famia y scol cu tambe ta copera 100 procent cu n’e. Orguyoso nos ta di dje!

Kieyon Henriquez
Otro bon alumno di nos scol ta Kieyon Henriquez. Kieyon ta un hoben deportista cu tin 14 aña. E ta den Examenklas na FCM y su profiel ta MW. Kieyon ta gusta e deporte di Core Distancia Largo y tambe e tin awo 1 aña activo den e deporte di Kickboxing. Ya caba el a gana medaya di oro den competencia local y 15 di november proximo e ta bay competi pa prome biaha na Curaçao hunto cu su team, Dojo Boye. Su metanan ta pa slaag den 2019 pa su MAVO y tambe saca cara di Aruba den e deporte di Kickboxing. Su famia ta confia 100 procent den dje y nos tur ta sigur cu e ta bay logra.

Danki na maestronan Jennely Heyliger, Addonsito Croes y compañeronan Nathan Fradl y Kieyon Henriquez pa permitimi entrevista nan.

Leave a Reply