“Traficacion di humano of personanan ta implica uzo di forsa, fraude of ta
persuadi e persona pa haci algun tipo di acto sexual laboral of comercial”.

Traficacion humano por pasa unda cu ta na mundo y ta importante pa sa kico e señalnan ta y con pa purba minimalisa cu abo mes ta haya bo den e situacion di wordo trafica. Tin diferente tipo di traficacion humano unda exploitacion sexual y labornan forsa ta e formanan mas comun. E otro formanan di traficacion humano ta matrimonio forsa, sirviente domestico, extraccion di organo, exploitacion di muchanan cu ta roga riba caya, comercio sexual y guera. Segun CRS tin diferente causa pa traficacion humano y factornan economico, social y politico, corruption, disturbio civil, un gobierno debil, falta na acceso na educacion of trabou, disturbio familiar of disfuncion total, falta di derechonan humano, disturbionan economico tur ta hunga un rol grandi pakico traficacion humano ta sosode. Tur dia tin hende ta desaparece y mayoria biaha ta hende muhe y mucha. Bo por ta canando bayendo bek bo auto y diripiente un truck ta yega, un hende ta pone algo riba bo boka y den un seconde bo ta den un vehiculo desconoci, baiendo un caminda y abo no tin otro opcion. Ta mas probable cu hendenan muher jong cu ta wordo secuestra, ta wordo trafica y forsa pa bira esclavonan di sex, prostituta of hasta choller. Pa e motibo aki ta importante pa corda pa sea atento di bo ambiente semper. Si bo ta un caminda cu ta hopi bashi y scur, percura pa bo keda extra alerto. Ta conciente cu ta miho pa bo no cana boso, pero si bo ta cana boso, podise manda un amistad un mensahe cu bo location of prepara bo mes pa alerta un persona cu bo ta wak comportando sospechoso. Si bo ripara cu tin comportacion sospechoso manera un auto cu ta keda sigui bo, bay na e edificio mas cerca of bay den un area cu tin hopi hende. Di e forma aki, e traficado lo sintie intimida y lo bai busca un persona cu ta den un localidad mas accesible. Mas cu claro, si bo por tuma algun les di defensa propio of cana cu un artefacto manera pepper spray cu por ta util si bo mester haya bo den un situacion peligroso y por duna bo mas tempo pa core. Si bo ripara of mira un hende den problema, yama polis.

Algun señal cu un persona por ta un victima di traficacion humano ta abuso fisico, desnutricion. Evita contacto visual of interaccion social y falta di identificacion of papeleo oficial. Un triki hopi maligno cu traficadonan sa haci uzo di dje ta cu nan ta pone un obheto riba bo windshield, esaki ta duna nan sufi-
ciente tempo pa gara bo ora cu bo ta kita e obheto for di bo windshield. Un luga unda hopi traficado humano ta atrae nan victimanan, ta e internet. Plataformanan di Social Media por wordo uza pa traficadonan humano pa nan haya mas victima. Sea cauteloso cu ken bo ta papia of ta laga wak bo online. Un otro forma cu traficadonan humano ta atrae nan victimanan ta door di conoce nan. E etapa aki ta wordo yama grooming stage. Señalnan di e etapa aki ta inclui red flags cu por bay escala ora cubo sera conocí cu un hende of un hende cu bo tas tima ta cuminsa papia di un persona nobo. Sexual grooming of grooming ta un proceso cu predadornan ta hasi prome cu nan conoce nan pa asina gradualmente gana e persona su confianza, cu e intento di exploita nan. Usualmente e victima ta un mucha, hoben of adulto vulnerable. Door di groom un persona e ta mas fasil pa manipula nan pa bira un participante den nan mesun exploitacion cual ta nifica cu chancenan pa bo basha bou ta menos. Algun victima ta hasta pega na nan predador y ta keda regresa na dje. Predadornan por manipula y pone un victima kere cu nan ta stima nan, mientrastanto nan ta djies wordo uza pa placa. Segun e National Institutes of Health, tacticanan di grooming ta mas exitoso ora e victima ta entre e edad di 11 y 16 aña. E motibo pa esaki ta cu hobennan ta mas vulnerable pa atencion, affeccion y regalo como formanan pa persaudi specialmente si no tin un ambiente fuerte y sigur na cas.

En conclusion, sea atento di bo ambiente y wak bon pa señalnan di cautela! Corda cu traficadornan humano ta atrae nan victima door di gaña y cu nan gracia. Nan ta priminti un mihor vida y oportunidades pa traha placa pero nan intencionnan ta malo y e victima por wordo bendi of wordo uza pa labor of exploitacion sexual.
Tiara Muyale

Leave a Reply