Durante e weekend Fitville riba dia nan 7, 8 y 9 di september 2018, IBiSA a tene un competencia di DodgeBall pa scolnan avansa na Aruba. Despues cu e diferente scol nan a batalla contra otro pa e titulo maximo, Maria College y Filomena College tawata e dos team nan cu a pasa pa final.

Maria College Mavo a logra gana e partido contra Filomena College y a resulta e ganador absoluto di e torneo entre e scolnan. Pa hasi e atardi un tiki mas interesante, atletanan hoben di Comité Olympico Arubano (COA) a dicidi di forma un team pa enfrenta e team campeon di Maria College Mavo. E atardi aki tabata uno di goso y alegría pa tur cu a presencia epartido aki. E partido entre Maria College y e team di COA, a caba cu un score di 4 – 0 pa Maria College.

Na scol, Maria College Dependance a elogia e alumnonan cu a representa Maria College Mavo durante e weganan di “dodgeball” na Fitville. Nan a bay cu e titulo di campeon den ambos categoria y e alumno Jelwayne Kock a sali e “MVP” di scol. Un danki special ta bay pa nos dos coachnan mr Arendsz y mr Franken.

Leave a Reply