E ultimo lunanan nos tur a sinti e cambio cu e pandemia di COVID-19 a trece pa mundo pero tambe pa e mundo cinematografico, unda e lansamento di varios pelicula a wordo posponi. Prome cu e era di streaming cu nos conoce awendia, video riba internet tawata nifica video cortico riba YouTube y pelicula online tawata nifica download documento via websites cu por pone bo computer na riesgo di e.o. virus. Afortunadamente e servicio di streaming a drecha hopi e ultimo diez aña, unda companianan manera Netflix a sa di pone nan nomber riba e mapa. Un compania cu a wordo considera como un start-up di ‘silicon valley’ a tuma locual cu Hollywood a considera su ‘restonan’ y crea un imperio di pelicula, serie y documentario cu awor ta competi directamente cu e ‘gigantenan’ di Hollywood.

 

Ah zomer! Nos tur ta gusta pasa nos dianan ta hasi floho, bai beach of siñando algo cu bo semper kier a siña… Cada ken tin nan smaak y pa esunnan cu ta disfruta di un bon variacion di pelicula durante nan summerdays Netflix a lansa varios pelicula nobo cu definitivamente bo no por perde.

 

The Old Guard – 5 stars
Accion/fantasia – 16+

Cuater guerrero cu a proteha humanidad secretamente pa siglos ta bira e objetivo di un scientifico pa motibo di nan podernan misterioso net na e momento cu un inmortal nobo ta wordo discubri.

The Lovebirds – 3 stars
Comedia/romance – 16+

Un pareha den un relacion cu ta casi caba, ta presencia un homicidio accidentalmente y ta bai riba e aventura di busca e asesino pa por percura cu nan nomber ta keda limpi.

Athlete A – 3 stars

Documentario – 16+

E documentario aki ta enfoca riba e gimnastanan cu a sobrebibi e abuso di docter di USA Gymnastics, Larry Nassar y e reporteronan cu a expone e cultura toxico di ful e organizacion.

Extraction – 3 stars

Accion – 16+

E mission di un mercionario duro ta converti den un careda pa sobrebibi ora e ta wordo manda Bangladesh pa recata e yiu di e hefe di un organizacion criminal di droga.

Eurovision – 3 stars

Comedia – 13+

Dos cantante di un pueblo chikito ta sigui nan soño di bira cantante popular di pop, competiendo den un competencia musical global unda nan relacion como cantante duo ta wordo poni na prueba.

The wrong Missy – 4 stars

Comedia/ romance – 16+

Tim ta invita e muher di su soño pa bai Hawaii pa un retirada di trabou pero ta realisa demasiado laat cu e la invita e muher cu e la bai riba un blind date destrasoso cu ne.

Desperados – 3 stars

Comedia – 16+

Despues di a manda un email hopi desgaba pa su pareha nobo, Wes ta bula bai Mexico cu su mihor amiganan pa por elimina e email prome cu e pareha lese.

Da 5 Bloods – 3 stars

Drama – 16+

Cuater veteran Afro-Americano ta regresa Vietnam decadanan despues di e guerra pa haña e restonan di e líder di nan escuadron – y un reserva di oro dera.

Lost Girls – 3 stars

Misterio/Drama – 16+

Desespera pa haya su yiu perdi, un mama ta lucha pa descubri e berdad – y t ayuda expone un cadena di asesinato sin resolve. Basa riba un storia real.

Spenser Confidential – 3 stars

Accion/Drama – 16+

Spenser, un ex-polis y ex-preso ta sera cabez cu Hawk un bringado aspirante, pa discubri un conspiracion siniestra mara na e morto di dos oficial di polis di Boston.

Leave a Reply