Desde momento cu SETAR a lansa e borchinan cu e fecha 13-4-2019 na varios localidad rond Aruba, por a nota cu e comunidad tabata curioso pa sa mas di e fecha aki. Durante e fin di siman di 13 di april 2019, SETAR a organisa un evento grandisimo pa hubentud, e Youth Tech Event 2019.

Como compania nacional di telecomunicacion SETAR ta haya importante pa semper aporta na e comunidad di Aruba cu diferente evento, promocion y proyectonan. E biaha aki SETAR a dicidi pa enfoca riba e hobennan y a organisa un evento special pa e hubentud di Aruba.

YTE durante e “Youth Tech Event” a enfoca riba e impacto cu futuro di tecnologia tin pa un persona, Aruba y mundo henter. E YTE a wordo organisa den un formato di conferencia, cu oradornan local y internacional, workshops, presentacionnan y un ‘Experience Hall’ increibel. Hobennan por a participa na, por ehempel, workshop di coding, fotografía, presentacion di online personal branding y cyber security. E ‘Experience Hall’ tabata tin diferente boothnan cu a mustra con un ‘Smart Student Room’ ta, e hobennan por a crea nan mesun YouTube Video hunto cu e personahe popular Larissa Bermudez, Nan por a experimenta cu efecto di lus y nan por a crea nan mesun musica/beat cu ayudo di Jeon. E weganan di Augmented Reality y Drone Racing a hala hopi atencion den e ‘Experience Hall’. Durante e dia, SETAR ta trece dos orador, Dr. Ryan R. Peterson cu a elabora riba e impacto di tecnologia pa futuro y di Merca, Mr. Steve Brown, un futuristico cu bista con e mundo ta impacta door di tecnologia y kiko esaki ta nifica pa e hubentud. Tur dos orador a trece imagennan hopi impactante y a trece un charla hopi interactivo pa e publico presente.

Hack-a-Ton ‘Island of the Future-Agriculture’
Durante henter e evento e seis scolnan cu a participa den e Hack-a-Ton ‘Island of the Future- Agriculture’ a demostra nan proyecto y na final di dia a saca e team di e scol ganador maximo di e Hack-a-Ton. Sint Augustinus College a gana prome luga y a gana 25 mil florin pa nan scol. Na di dos luga a sali Maria College cu a gana 10.000 florin pa nan scol y na di tres luga Colegio Arubano Oranjestad cu a gana 5000 florin pa nan scol. Director di SETAR na final di entrega di premionan a anuncia cu e otro scolnan cu a participa tambe lo ricibi un premio di 2000 florin cada un pa nan proyecto.